Ek Roz Hazrat Imaam Hussain Razi Allahu Ta’ala Anhu Sallallahu Ta’ala Alaihi Wasallam Ki God Me Tashrif Farma Rahe The. Hazrat Umme Fazl Bhi Paas Baithi Thi. Umme Fazl Ne Huzoor Sallallahu Ta’ala Alaihi Wasallam Ki Taraf Dekha Ki Aapki Dono Chashmane Mubarak Se Aansu Beh Rahe The. Umme Fazl Ne Arz Kiya Ya Rasool Allah! Yeh Aansu Kaise Hai? Toh Huzoor Sallallahu Ta’ala Alaihi Wasallam Ne Farmaya Ki Jibrail Ne Mujhe Khabar Di Hai Ki Mere Iss Bacche Ko Meri Ummat Qatl Kar Degi. Jibrail Ne Mujhe Us Sarzameen Ki Jaha Yeh Baccha Shahid Hoga Surkh Mitti Lakar Di Hai.
Huzoor Sallallahu Ta’ala Alaihi Wasallam Ne Iss Mitti Ko Sungha Aur Farmaya “Is Mitti Se Mujhe Boo E Karbala Aati Hai Phir Wo Mitti Huzoor Sallallahu Ta’ala Alaihi Wasallam Ne Ummul Momineen Hazrat Umme Salma Razi Allahu Anha Ko De Di Aur Farmaya Umme Salma Is Mitti Ko Apne Paas Rakho Jab Yeh Mitti Khoon (Blood) Ban Jaaye Toh Samajh Lena Mera Beta Shahid Ho Gaya.
Hazrat Umme Salma Razi Allahu Anha Ne Us Mitti Ko Ek Sishi Me Band Kar Liya Phir Jis Din Hazrat Imaam Hussain Razi Allahu Ta’ala Anhu Karbala Me Shahid Huye Usi Roz Yeh Mitti Band Sishi Me Khoon Ban Gai.
[ Mishkat Sharif, Safa-564, Huzzatul Alal Aalmeen Safa-477 ]
