Karamaat-a-gaus-a-aazam – Aapka Naam Sunker Sarkash Jinn Ka Bhaag Jana:
Shaikh Abdullah Bin Ahmed Baghdaadi Rehmatullah Ta’aala Alaihi Se Nakl Hain Ki, Ek Shaks Asfahaan Ka Rehne Wala Hazrat Abdul Qaadir Jilani Rehmatullah Ta’aala Alaihi Ki Khidmat May Haazir Hua Aur Arz Karne Laga Ki Meri Biwi Ek Muddat Se Bimaari May Mubtala Hain Aur Koi Dawa Ya Dua Asar Nahi Karti! Hazrat Abdul Qaadir Jilani Rehmatullah Ta’aala Alaihi Ne Farmaya, Ki Waadhi-a-sarandeep Ka Ek Sarkash Jinn Hain Jiska Naam Haanis Hain! Jab Teri Biwi Ko Sara Ka Daura Ho, To Uske Kaan May Kehdena Ki, Aye Haanis! Hazrat Shaikh Abdul Qaadir Jilani Rehmatullah Ta’aala Alaihi Farmate Hain, Tu Apni Sarkashi Se Baaz Aa Warna Maar Diya Jayega! Uske Baad Wo Shaks Asfahaan Chala Gaya! Jab 10 Saal Ke Baad Aaya To Kehne Laga Ki, Ya Sayyadi! Jaisa Ki Aapne Farmaya Tha Waisa Hi Kiya, Us Din Ke Baad Fir Kabhi Daura Na Pada!
[ Masalikus-Saaliheen, Page-344 ]
Tashrih:
Jinnaat Ka Aapse Dare Rehna Aur Aapka Hukm Maanna Mashoor Hain! Asal May Aap “Gausus-Sakhlain” Hain Yani Jinn Aur Insaano Ki Fariyaad Sunne Wale! Isliye Kyon Na Jinnaat Bhi Aapse Aqidat Aur Mohabbat Rakhen Aur Aapki Dastagiri Ke Taalib Ho! Jo Hukm Maanne Walejinn Hain Wo Aisa Hi Karte Hain, Magar Jo Sarkash Hain Uneh Saza Bhi Di Jati Hain, Agar Wo Waqt Per Muafi Na Maanglen! Uper Di Gayi Karamat May Haanis Naami Jinn Ko Jab Sayyadina Gaus-a-aazam Rehmatullah Ta’aala Alaihi Ka Farmaan Sunaya Gaya Ki Halaak Kerdiya Jayega, To Wo Bhaag Gaya Aur Shararat Se Baaz Aagaya!
