Hazrat Wahab Ibne Kaabus Razi Allahu Ta’ala Anhu Madina Munawwara Ke Karib Kisi Gaon Me Rehte The. Bakriya Charaya Karte The. Ek Din Apne Bhatije K Saath Bakriya Rassi Se Baandhe Huye Madina Munawwara Pahunche. Huzur Sallallahu Ta’ala Alaihi Wasallam Uhud Ki Ladai Me Gaye Huye The. Bakriyo Ko Wahi Chorkar Huzur Sallallahu Ta’ala Alaihi Wasallam K Paas Pahunch Gaye.
Itne Me Ek Jama’at Kuffar Ki Hamla Karti Hui Aai. Huzur Sallallahu Ta’ala Alaihi Wasallam Ne Farmaya: Jo Inko Muntsir Kar De Wah Jannat Me Mera Saathi Hai. Hazrat Wahab Ibne Kaabus Razi Allahu Ta’ala Anhu Ne Yeh Ailaan Sunkar Zor Se Talwar Chalana Shuru Ki Aur Sabko Hata Diya. Dushri Martaba Phir Wahi Surat Pesh Aai Aur Huzur Sallallahu Ta’ala Alaihi Wasallam Ne Phir Wahi Irshad Farmaya: Wahab Ibne Kaabus Razi Allahu Ta’ala Anhu Ne Phir Unhe Hata Diya. Tishri Martaba Phir Wahi Surat Pesh Aai Aur Huzur Sallallahu Ta’ala Alaihi Wasallam Ne Phir Wahi Ailaan Farmaya.
Hazrat Wahab Ibne Kaabus Razi Allahu Ta’ala Anhu Talwar Pakadkar Kuffar Ke Jamghat Me Ghus Gaye Bahot So Ko Finnar Kar K Shahid Hogaye. Huzur Sallallahu Ta’ala Alaihi Wasallam K Wayde K Haqdar Ban Gaye. Huzur Sallallahu Ta’ala Alaihi Wasallam Ne Unke Sarhane Khade Hokar Farmaya: Aye Wahab! Allah Tumse Razi Ho, Me Tumse Razi Hu. Phir Huzur Sallallahu Ta’ala Alaihi Wasallam Ne Khud Apne Dast E Mubarak Se Aapko Dafan Farmaya.
(Isaaba Wa Hiqayatus-Sahaba Safa-71)/Sacchi Hiqayat)
Sabak : Sahaba E Kiram Ko Huzur Sallallahu Ta’ala Alaihi Wasallam K Har Irshaad Par Pura Pura Yakin Tha. Unka Imaan Tha Ki Huzur Sallallahu Ta’ala Alaihi Wasallam Jo Farma De Wahi Ho Jaata
Hai. Chunanche Hazrat Wahab Ibne Kaabus Razi Allahu Ta’ala Anhu Apne Issi Imaan Aur Yakin Ki Bina Par Huzur Sallallahu Ta’ala Alaihi Wasallam Mujhe Jannat Me Apni Rifakat Ata Farma Denge Aur Ata Farma Sakte Hai.kuffar K Narge Me Kud Pade Aur Shahid Ho Gaye. Phir Agar Koi Shakhs Yu Kahe Ki Jiska Naam Mohammad Hai Kisi Baat Ka Mukhtar Nahi Toh Wah Kis Qadr Jahil Wa Gumrah Hai. Bas Sahaba K Imaan Ki Tarah Hamara Imaan Bhi Yahi Hona Chahiye.
Hum Rasool Allah Ke, Jannat Rasool Allah Ki…..
NAAR E RISALAT YA RASOOL ALLAH….!!!!!!!
Rabbi Ul Awwal Ka Mubarak Mahina Aap Sab Ko Mubarak…
Saare Ummat E Mohammad Ko Dua Me Yaad Rakhne Ki Guzarish….
