HIQAYAT
Ajal Aur Kaarah Ke Chnd Munafiq Huzoor SALLALLAHU-TA’AALA-ALAIHI-WASALLAM Ki Khidmat May Haazir Hue! Kehne Lage Ki Hamare Sath Chnd Muballig (Tablig Karne Wale) Rawana Ker Dijiye Jo Ham Logon Ko Deen Ki Baatain Sikhaya Karen! Ham Log Shari-at Ke Ahkaam Sikhlen!
Huzoor SALLALLAHU-TA’AALA-ALAIHI-WASALLAM Apne 10 Ashaab, Jinke Sardar Hazrat Aasim Bin Saabit Radi-Allahu-Ta’aala-Anhu The, Unke Hamrah Rawana Kerdiye! Yeh Log Jab Makaam-A-Raji Per Pahuche To Munafiqeen Ne Be-Ahdi Karke Qabila-A-Banu Lahyaan Ke 200 Aadmiyon Ke Sath Milker Un 10 Sahaba Per Hamla Kiya! Hazrat Aasim Radi-Allahu-Ta’aala-Anhu Apne 7 Sathiyon Ke Shaheed Hogaye Aur Hazrat Aasim Ne Shahadat Se Pehle Dua Padhi-
“Aye ALLAH Maine Tere Deen Ki Himayat May Jaan Di! Ab Tu In Kaafiron Ke Hath Se Mere Badan Ko Bacha!”
Yani Meri Laash Unke Hath Na Lage! Chunanche, Munafiqeen Hazrat Aasim Ka Sir Kaatne Ke Irade Se Aage Badne Lage To ALLAH-TA’AALA Ne Fauran Shahed Ki Makkhiyon Ka Ek Lashker Bhej Diya! Jinohne Hazrat Aasim Radi-Allahu-Ta’aala-Anhu Ki Laash Mubarak Per Parda Daal Diya Aur Kisi Kaafir Ko Paas Fhatakne Na Diya! Jab Raat Hui To Khuda Ta’aala Ne Ek Aisa Sailaab Bheja Ki Hazrat Ke Badan Mubarak Ko Baha Legaya Aur Kaafir Khayif Wa Khasir Fhire!
(Taarikh-A-Islam, Pg-118)
(Mislihi-Fi-Hujjahtullah Alal-Aalameen, Pg-869)
SABAK
Sahaba-A-Kiraam Deen Ki Khatir Zinda Rahe Aur Deen Hi Ki Himayat May Wo Jaan Bhi Dete Rahe! Yeh Bhi Malum Hua Ki Rasoolallah SALLALLAHU-TA’AALA-ALAIHI-WASALLAM Ke Yaaron Se Dushmani Wa Adawat Munafiqeen Ka Kaam Hain!
