Hiqayat:
Huzoor (Sallallahu Ta’aala Alaihi Wasallam) Ke Zamane Me Ek Jaahil Aurat Badi Badh-Zubaan Thi! Mardon Se Ladti-Zhagadti Rehti Aur Bahoat Be-Hayayi Ki Baatain Kiya Karti Thi!
Ek Roz Huzoor (Sallallahu Ta’aala Alaihi Wasallam) Ke Paas Se Guzri Jabki Huzoor Khana Tanawal Farma Rahe The! Usne Arz Ki, Ya Rasool’Allah! Mujhe Bhi Apne Khane Se Kuch Ata Farmayiye Taaki Mai Aapka Tabarruk Khaoun! Lekin Ya Rasool’Allah! Aapke Khane Ka Jo Lukma Aapke Mooh Mubarak Me Ho Wo Mujhe Dijiye!
Chunanche, Huzoor Ne Apne Mooh Mubarak Se Lukma Nikaalker Use Diya Jise Wo Kha Gayi! Jiska Asar Yeh Hua Ki Uss Aurat Me Itni Sharm Wa Haya Paida Hogayi Ki Marte-Dam Tak Firse Kisise Ladte-Zhagadte Ya Badh-Zubaani Karte Nahi Dekha Gaya!
“Subhanallah”
[ Hujjatullaahi-Alal-Aalameen, Page No. 436 ]
Sabak :
Yeh Huzoor (Sallallahu Ta’aala Alaihi Wasallam) Ke Luab-A-Dahan Sharif Ki Barkat Hai Ki Aapke Luab Aamez Lukma Khane Se Be-Haya Aurat Ba-Haya Aurat Bangayi! Aur Uski Saari Jahaalat Wa Badh-Zubaani Dur Hogayi!
Ek Aajkal Ke Baaz Manhoos Log Aise Bhi Hain Ki Nau-Mauloodh Bacche Ko Sirf Apni Ungli Se Shahed Ki Ghotti Bhi De To Wo Baccha Bada Hoker Badh-Zubaan Aur Be-Haya Banjata Hain!
Yeh Bhi Malum Hua Ki Huzoor (Sallallahu Ta’aala Alaihi Wasallam) Sarapa Nafasat Wa Taharat The! Huzoor Ke Khuddaam Aapke Mooh Mubarak Ki Cheez Ko Intehayi Shauk Se Kha Lete The!
Aajkal Ka Koi Bada Saaf Suthra Shaks Bhi Kyon Na Ho, Uske Mooh Ki Cheez Khane Se Gheen Aati Hain!
