Jab Makkah Fateh Ho Gaya – Islam Ki Azmat Ka Parcham Is Ki Noorani Fizao Me Lehrane Laga – Fateh Mubeen Ke In Masarrat Baksh Aur Farhat Aagein Lamhao Me Ansaar Ko Eak Andesha Be’Qarar Kar Diya – Wo Jaante The Ke Makkah Mukarrama Me Allah Tala Ka Muqaddas Ghar Hai Jis Ke Baes Iss Khitte Ko Badi Azmatein Aur Izzatein Naseeb Ho Gayi Hai.
Yehi Shaher Rehmat-e-Aalam Sallallahu’Alaihi’Wa’Sallam Ki Jaye Wiladat Bhi Hai – In Lamhao Me Ansar Ko Ye Khayal Bar Bar Satane Laga Ke Kahi In Ka Mehboob Rasool Inhe Chod Kar Apne Purane Watan Me Aaqamat Pazeer Na Ho Jaye – Apne Mehboob Se Judai Ka Sadma In Se Bardash Na Ho Sakega.
In Ka Haadi Murshid Bhi In Ki IN Bechainiyao Se Be’Khabar Na Tha.
Dil’Nawaaz Aaqa Ne In Ke Dilao Ko Pareshan Karne Wale Was Wasao Ko Hamesha Ke Liye Ye Farma Kar Khatam Kardiya :
“Yaani Is Khayal Se ALLAH Tala Ki Panah Mangta Hu Ke May Tumhe Chod Kar Yaha (Makkah
Me) Abaad Ho Jau – Meri Zindagi Aur Meri Mout Tumhare Sath Hi Hogi” – Is Kism Ke Tamaam Waswasao Ko Apne Dil Se Nikal Do – ALLAH Tala Ne Tumhare Sath Meri Madad Farmai Hai Jabke Makkah Walao Ne Mujhe Chod Diya Hai – Fateh Mubeen Tumhari Mukhlsana Aur Janagsaal Masae Ke Natija Hai – May Tumhe Chod Kar Chale Aane Ke Tasavvur Tak Bhi Nahi Kar Sakta.
(Seerat-e-Rasool Zia’AlNabi Sallallahu’Alaihi’Wa’Sallam Jild 4, Safa 481, Khatum Al’Nabiyeen Jild 2, Safa 1114)
SUBHAN ALLAH!